Në orët e para të mëngjesit të djeshëm është ndarë nga jeta në moshën 68-vjeçare ish-futbollisti i njohur i Partizanit, Gjergji Thaka.
Thaka ishte një nga figurat kryesore të futbollit shqiptar në vitet’60-’70, duke qenë protagonist me skuadrën e Partizanit në fitoren e trofeve të shumtë në Shqipëri si dhe Kupën Ballkanike.
Pasi u largua nga futbolli i luajtur, Thaka mbeti pjesë e strukturave të klubit të kuq, duke qenë trajner fillimisht në akademinë e tij e më pas edhe në skuadrën e parë. Ai mbajti për disa vite edhe poste të larta drejtuese në administratën e klubit, ndërsa në periudhën 1999-2002, ishte anëtar i Komiteti Ekzekutiv të FSHF-së, raporton “Panorama Sport”.
Armando Duka, presidenti i FSHF-së ka reaguar pas vdekjes së ish futbollistit të Partizanit, Gjergji Thaka. Ai ka postuar një status në Facebook, ku ka shprehur ngushëllimet e tij për këtë ngjarje. Duka e cilëson vdekjen e Thakës si një humbje të madhe të futbollit shqiptar.
Statusi i plotë i Dukës:
Lamtumire Gjergji Thaka!
Mesova me hidherim te thelle sot ndarjen e parakoheshme nga jeta te mikut, shokut e kolegut tone Gjergji Thaka. Nje tjeter humbje per futbollin shqiptar!
Gjergj Thaka ka qene nje futbollist i Partizanit te viteve ’60-’70 me pas trainer per te vijuar me tej kontributin e tij ne futbollin shqiptar si zv/sekretar i pergjithshem dhe me pas anetar komiteti ekzekutiv te FSHF-se.
NGUSHELLIMET me te sinqerta familjes, miqve dhe te afermve te tij per kete ndarje te dhimbshme!
Lamtumire Gjergji!
U prehsh ne paqe!
