Rreth një muaj më parë, futbollisti i njohur me origjinë shqiptare, Valon Behrami dha lajmin se i kishte dhënë fund lidhjes 12-vjeçare me Elena Bonzanin me të cilën kishte edhe dy vajza. Megjithatë duket se futbollisti i njohur nuk e ka pasur të lehtë qëndrimin vetëm si beqar sepse ai tashmë është në një lidhje me skiatoren Lara Gut. Tre muaj më parë, mediat zviceriane filluan të dyshonin për një lidhje të mundshme, por nuk pati konfirmim nga asnjë prej tyre.
Por ishte vetë Lara ajo që me anë të një postimi në ‘Facebook’ pranoi çdo gjë e madje shprehu dashurinë e madhe që ka për Valonin. “Me Valonin kam përjetuar fuqinë e të qenit së bashku. Kam përjetuar ndjenjën më të bukur kur një person qëndron pranë teje, të merr përdore dhe kurrë nuk të lë vetëm. Valoni është gjëja më e bukur që më ka ndodhur ndonjëherë në jetë”, – ka shkruar ajo. /revistawho.com
