Për shumë njerëz, Donatella Versace është konsideruar simbol i operacioneve plastike të realizuara keq.
Një fotografi nga premiera e muzikalit “The Devil Wears Prada” po bën xhiron e internetit, ku vërehet një ndryshim i dukshëm në pamjen e saj, duke e krahasuar me paraqitjet e saj të mëparshme.
Ndërsa disa spekulonin nëse ajo kishte arritur të zhbënte pasojat e procedurave të dështuara përmes ndërhyrjeve të një kirurgu plastik të famshëm në New York, foto nga këndvështrime të tjera sugjeronin se ndoshta ndryshimi ishte rezultat i photoshop-it. Kjo ka sjellë një valë komentesh negative në profilin e saj në Instagram.
Me kalimin e viteve, pamja e Donatella Versace është transformuar aq shumë sa është e vështirë të njihet. Ajo ka mbajtur lëkurën e nxirë nga vizitat e shpeshta në dhomat me diell dhe që nga viti 2002 nuk i është ndarë ngjyrës bionde të flokëve. Megjithatë, përtej këtyre ndryshimeve relativisht të padëmshme, Donatella ka qenë e pasionuar pas procedurave dhe operacioneve estetike.
Këto ndërhyrje nisën në vitin 1995 dhe, tre vite më vonë, pamja e saj ndryshoi në mënyrë drastike. Këtë ndryshim undikuan gjithashtu nga jeta e saj e trazuar dhe varësia ndaj alkoolit dhe drogës, të cilat u intensifikuan pas humbjes së vëllait të saj të dashur.
