Me siguri shumë prej jush mund të kenë pyetur veten se si ia bëjnë gratë aziatike të duken kaq të bukura, me një lëkurë të pastër, të shëndetshme e të bardhë që shpeshherë na kujton kukullat e porcelanit që ruanim me kujdes kur ishim të vegjël ? Pyetja e dytë mund të ketë qenë përse nuk dukeni edhe ju njësoj si to.
Sigurisht që në kujdesin ndaj vetes nuk luajnë rol të rëndësishëm vetëm produktet e zakonshme kozmetike, por edhe disa sekrete që çdo femër aziatike i ka pjesë të përditshme në ritualin e përkujdejes:
1.Masazh me peshqir të ngrohtë: Edhe pse zakonisht rekoamndohet qe fytyrën ta lani me ujë të ftohtë, gratë japoneze ndjekin një ritual shumë interesant pas pastrimit të mëngjesit: atë të masazhimit me ujë të ngrohtë. Njomni një peshqir me ujë të ngrohtë dhe kalojeni në të gjitha linjat e fytyrës siç tregohet në foto. Hiqeni nga fytyra pas 15 minutash dhe aplikoni krem hidratues.
2.Tonik me kripë deti dhe ujë: Ky tonik është një aleat i vërtetë bukurie që mund ta përdorni në çdo kohë e çdo moment. Në një shishe shtoni 1 gotë ujë të ngrohtë dhe dy lugë gjelle kripë të trashë. Lëreni kripën të tretet dhe përdoreni tonikun për të pastruar deri në thellësi qelizat e vdekura të lëkurës.
3.Maskë me qumësht soje: Për gratë japoneze, qumështi i sojës është i barazvlfshëm me maskat e shtrenjta a në mos më i shëndetshëm dhe efektiv. Me ndihmën e një garze pambuku kaloni qumështin e sojës në të gjithë fytyrën dhe mbajeni për 20 minuta. Ai ushqen dhe zbardh fytyrën, si dhe normalizon prodhimin natyral të sebumit të saj./revistawho.com
