Ish-banori i Big Brother VIP, G-Bani, ka folur për herë të parë pas përjashtimit nga shtëpia. Ai u përjashtua me zarf të zi pas një përplasjeje fizike me Gjestin, por ka deklaruar se nuk ka ndërmend t’i kërkojë falje.
“Jam ndjerë bosh. Më mungon një pjesë e imja. Dua të jap një mesazh. Dua t’u them të gjithë atyre që dalin në TikTok dhe hedhin broçkulla dhe shpërndajnë urrejtje kombëtare midis shqiptarëve të Shqipërisë dhe shqiptarëve të Kosovës, që aty nuk ka qenë një shqiptar i Shqipërisë që ka goditur një shqiptar të Kosovës, por ka qenë G-Bani që ka goditur Gjestin,” tha ai.
Duke sqaruar situatën që çoi në përjashtimin e tij, G-Bani tha se veprimet e tij ishin rezultat i emocioneve të forta të akumuluara në shtëpi.
“Kjo ka qenë një dobësi e imja për shkak të emocioneve të forta që kam akumuluar gjatë kohës aty. Kam qenë i mërzitur për dikë tjetër. I mora të gjitha parasysh kur e godita. Këndonte “Qorri i lalzit” duke u tall me syrin tim të majtë. Më preku në hundë. Andej nga anët e mia, kur e prek një burrë në hundë është sikur je duke i sharë nënën. Trupi im është i imi, askush nuk lejohet të më prekë. Kur kam lexuar kontratën kjo thuhej qartë. Nuk lejohet kategorikisht provokimi me prekje, por s’ka rëndësi. Nuk i kërkoj falje Gjestit,” deklaroi ai.
