Në këtë periudhë Linda Halimi është në fazën më të angazhuar të saj pasi edhe pak na ndan nga “Festivali Europian”. Për këtë arsye ajo ftohet në programe të ndryshme për të promovuar këngën “Botë” me të cilën do të na përfaqësojë në Eurovizion. Së fundmi Halimi njoftoi në rrjetet sociale se do të ishte në programin “Thurje” në “Digitalb”, e pikërisht këtu e bëri gafën. “Më ndiqni në kanalin T, ‘Digitalb’ në orën 21.00. Emisioni ‘Thurrje’ me Jonida Shehun”, shkruante Linda. Ishin fansat që e pikasën gabimin dhe nisën ta kritikonin këngëtaren nëpër komente, derisa ajo e ndryshoi statusin. Kujtojmë se Jonida Shehu dhe Jonida Vokshi punojnë në të njëjtën kompani mediatike, ku Shehu drejton “Pasditen” në Top Channel ndërsa Vokshi “Thurjen” në “T” të “Digitalb”./ revistawho.com
