Tema e ditëve të fundit, sa i takon aktiviteteve të Policisë së Shtetit, ka qenë rripi i sigurimit të drejtuesve të automjeteve si dhe gjobat e majme që policia është duke vendosur. E ndërsa organet shtetërore vijojnë t’i bëjnë publicitet punës së tyre herë pas here në rrjetet sociale dhe ku të munden, duket se diçka u ka shpëtuar ditën e sotme.
Një police bionde, e cila ka qenë në krye të detyrës si çdo ditë tjetër, ndërsa është munduar të bëjë punën e vet, duke ndaluar një veturë luksoze, ka bërë një gafë, e cila nuk është vënë re nga asnjë prej kolegëve të saj policë, të cilët kanë vrapuar ta fotografojnë dhe më pas e kanë shpërndarë foton në rrjetet sociale.
Ajo që nuk shkon është pikërisht vendi ku është ndaluar drejtuesi: në korsinë e shpejtësisë, ku mund të bëhet burim aksidenti për drejtues të tjerë. Rregullat janë të qarta: drejtuesi duhet të hapë krahun djathtas, por me sa duket askush nuk ka kohë të hapë krahun sepse të gjithë e kanë me ngut të realizojnë foton e përkryer. Ky fakt shqetësues është denoncuar edhe nga gazetari Armand Bajrami./JetaOshQejf
