Mbrëmjen e të shtunës u trasmetua puntata e tretë e programit më të ri të humorit “Klanifornia” nën drejtimin e Marina Vjollcës. Ky emision tërhoqi vëmendjen e publikut që në ditët e para duke filluar që nga kasti i aktorëve deri te skeçet e vëna në skenë. Siç tashmë dihet, shumë prej skeçeve kanë natyrë politike, një prej të cilëve e ka realizuar aktorja e njohur Delinda Disha. Ajo u shfaq në rolin e deputetes Majlinda Halilit, duke imituar një prej fjalimeve të saj le të themi, jo shumë të suksesshme. Ajo u diskutua tepër në media për gabimet e bëra gjatë tij dhe pikërisht nga kjo ndodhi, stafi i “Klanifornisë” ka marrë iniciativën të sillnin diçka humoristike për publikun. Aktrimi i Delindës arriti të merrte reagimin e dëshiruar pasi audienca ka shpërthyer në të qeshura dhe në duartrokitje.
#
