Garë e fortë mes të rinjve në “Kënga Magjike”! Kush do e fitojë “Best new artist”, Xheisara apo Flori Nazifi?

Për herë të parë sivjet në festivalin “Kënga Magjike” pati një ndryshim në formulë. Përveç këngëtarëve të njohur të skenës shqiptare, u bë dhe një konkurs brenda festivalit me këngëtarët e rinj që janë përzgjedhur gjatë të dielave të “Këngës Magjike në “E diela shqiptare” nga juria e përbërë nga Juliana Pasha, Olti Curri, Venera Lumani, Uliks Kraja dhe DJ Sardi. E teksa është afruar finalja, dy këngëtarët më të fortë që garojnë për çmimin “Best new artist” janë Xheisara dhe Flori Nazifi. Xheisara ka një këngë “old school” ndërsa Nazifi një baladë. Xheisara është 19 vjeçe dhe kënga “1 soj të 2” është e dyta ne karrieren e saj. Ajo ka edhe një klip me titull “Rri sa më larg”. Xheisara ka qenë pjesë e “X Factor” dhe “The Voice of Albania” dhe është ndër te vetmet femra në Shqipëri që bën ‘rap’. Ndërsa Flori Nazifi e zbuloi talentin e tij kur për herë të parë këndoi në një kishë, në moshën pesë vjeçare. Nga atëherë nuk i është larguar muzikës, deri në prezantimin e radhës në “Kënga magjike” me baladën “Mos ik”. Të shohim kë do të kualifikojë juria profesioniste për në finale.