Garko në Tiranë, vjen të kurorëzojë Miss Universe Albania

Të dashura vajza bëhuni gati, ylli Gabriel Garko do të na vijë sërish për vizitë. Këtë vit, “Miss Universe Albania” e ka zgjedhur si të ftuar special në spektaklin që do të mbëhet së shpejti në Tiranë. Në datën 19 shtator në një shoë me shumë të ftuar specialë si Era Istrefi, Noizy dhe vetë Garko, nën prezantimin e Albert Dumanit do të zgjidhet edhe bukuroshja që do të përfaqësojë Shqipërinë në spektaklin e bukurisë botërore. Vajza që do të marrë kurorën do të konkurojë midis bukurosheve nga e gjithë bota në “Miss Universe 2015” që këtë vit mbahet në Shangai të Kinës. Veç kësaj ajo do të ketë edhe fatin që kurorën t’ja vendosë në kokë aktori seksi italian Garko. Nëse organizatorët nuk e kanë menduar kështu ne sapo i dhamë një ide, duke i uruar edhe shumë suksese!