Në episodin e ri të “Je bre normal” me Meriton Mjekiqi, i ftuar ishte Gashi, artisti shqiptar me famë ndërkombëtare. Artisti bëri një rrëfim edhe për lidhjen me këngëtaren e njohur Adele.
“Po, kurrë nuk kam folur për të, por po, kam qenë me të. E kam dashur. Ishim shumë mirë bashkë. Kemi qenë së bashku që nga 2019 deri në vitin 2021. Akoma jemi miq. Vetëm gjëra të mira them për të,” tha Gashi, duke shtuar se është ende i lumtur për të dhe për partnerin e saj aktual.
Artistit iu kërkua më shumë detaje për këtë lidhje, por ai theksoi se ka gjithmonë “shumë respekt për të” dhe gjithmonë ka preferuar të ruajë privatësinë.
