Reperi me origjinë shqiptare, Gashi, është kthyer në një ndër reperët më të pëlqyer kudo nëpër botë. Bashkëpunimi i tij i fundit “Creep on me”, ishte një nga këngët më të pëlqyera dhe u kthye në hitin e verës së vitit 2018. Megjithatë, Gashi ka vendosur që të kthehet sërish në vendin e tij dhe këtë herë me një koncert. Nëpërmjet një postimi në ‘Instagram’, ai ka dhënë lajmërimin që bashkë me të do të jenë dhe 3 artistë shumë të njohur: DJ Snake, French Montana dhe reperi G-eazy. “Në rregull…viti im fillon…albumi publikohet…do shkojë në ‘tour’ në SHBA…pastaj në Europë…më pas sjell DJ Snake, French, Geazy në koncertin tim në Kosovë”. Fansat menjëherë kanë shpërthyer në komente dhe duket se janë shumë të emocionuar për ardhjen e tij në Kosovë./revistawho.com
