Në 21 shtator Afrona Dika dhe Blero Muharremi pritet të kurorëzojnë me martesë dashurinë e tyre disavjeçare. Deri më tani dihet data e dasmës, vendi në të cilin do të organizohet dhe së fundmi janë zbuluar edhe ftesat. Çifti i njohur kanë filluar të shpërndajnë ftesat e dasmës tek miqtë e të afërmit e tyre dhe duken mjaft të veçanta. Disa prej atyre që i kanë marrë nuk kanë nguruar t’i publikojnë në rrjete sociale, duke zbuluar detaje nga dizajni. Siç kuptohet nga postimet e bëra ftesa e dasmës ndodhet në një shishe, e cila futet më pas brenda një kartoni të bardhë.
Kartoni mblidhet nga një rrobë dhe një letër e cila mban emrin e Afronës dhe të Bleros, si dhe datën e martesës.
Dasma e çiftit të njohur pritet të jetë një nga më të bukurat të këtij viti dhe i gjithë organizimi do të jetë madhështor, duke qenë se do të ketë afro 600 të ftuar, ndër të cilët nuk do të mungojnë as personazhet e famshëm. /revistawho.com
