Në korrik të 2018-tës Xhensila Myrtezaj u bë nënë për herë të parë dhe sot gati 1 vit pas lindjes ka arritur të rikthejë sërish format trupore. Ajo së bashku me Besin kanë nisur pushimet, por nuk kanë zbuluar se çfarë destinacioni kanë zgjedhur për të kaluar këto ditë. Ata kanë publikuar në rrjete sociale momente të ndryshme nga pushimet, por vëmendjen e të gjithëve e ka rrëmbyer Xhensila. Në fotografitë e publikuara në ‘Instastory’ këngëtarja shfaqet në formë si asnjëherë tjetër dhe këtë gjë e ka arritur falë stërvitjes rutinë në palestër.
Pak muaj pas lindjes së Ajkës, Xhensila nisi të ushtrohej dhe rezultatet e palestrës tashmë janë më se të dukshme. Kujtojmë se pas lindjes, këngëtarja u rikthye në muzikë tre muaj më parë me një këngë në bashkëpunim me Pirro Çakon, “Sekreti im”, që u prit shumë mirë nga publiku. /revistawho.com
