Në 21 shtator Afrona Dika dhe Blero Muharremi kurorëzuan me martesë dashurinë e tyre disavjeçare. Pas dasmës ata të dy nuk mundën të niseshin në muaj mjalti, por më në fund ka ardhur dita që çifti i sapomartuar të shijojnë disa ditë pranë njëri-tjetrit. I ftuar para pak javësh në ‘Prive’, Blero tregoi se ai dhe Afrona do të niseshin për muaj mjalti në nëntor dhe mesa duket ditën e sotme ata janë nisur në udhëtim. Këngëtari ka publikuar në ‘Instagram’ një foto të biletave të avionit dhe ka treguar se destinacioni i tyre i parë do të jetë Los Angeles.
Çifti i njohur kanë rezervuar 12 ditë pushime dhe duket se gjatë kësaj kohe do të vizitojnë disa vende e ndalesa e fundit do të jetë në ishujt Hawaii. Duke qenë se këto muaj Afrona dhe Blero kanë qëndruar larg njëri-tjetrit, me siguri këto pushime do i shfrytëzojnë për të kompensuar kohën e humbur. Kujtojmë se në intervistën për ‘Prive’ Blero zbuloi se ai dhe Afrona nuk jetonin bashkë edhe pas dasme, pasi bashkëshortja e tij është e angazhuar me punë në Zvicër. /revistawho.com
