Të gjithëve na kujtohet spoti publicitar ku aktori i humorit, Gazmend Paja, shfaqet për të reklamuar një nga karburantet e vendit tonë. Reklama është publikuar në vitin 2014 dhe duket se ka pasur shumë sukses, por problemet kanë nisur në fillimin e këtij viti. Aktori ka hedhur në gjyq kompaninë për arsye moskorrektësie në pagesë, duke i kërkuar jo pak por 46 mijë euro dëmshpërblim për shkak të prishjes së kontratës. Burimet për “NewsBomb” bëjnë të ditur se kërkesa është bërë në 9 janar të këtij viti dhe i është drejtuar gjykatës të lartë.
