Gaz Paja “thyen” rregullin e Top Channel, ja çfarë ka ndodhur në “Zonë e Lirë”

Aktori i njohur i humorit, Gazmend Paja, është shumë i njohur për rolet në “Portokalli” dhe në teatër, por edhe si i biri i një prej aktorëve më të mëdhenj shqiptarë, Luftar Paja. Gazi mbrëmjen e djeshme ka thyer një tabu, pasi është bërë aktori i parë që ka shkelur në studion “Zonë e Lirë”. Menjëherë sapo Gazi ka vënë këmbën në studio, këtë detaj e ka theksuar vetë drejtuesi i emisionit, Arian Çani, i cili i ka thënë: “Gazi Paja faleminderit që erdhe, por më çudit si erdhe t’i në emisionin tim…! Unë kam ftuar shumë prej aktorëve të tjerë të Portokallisë, por ata nuk kanë ardhur, duke më thënë se nuk i lejojnë drejtuesit e Topit, pasi sipas tyre kanë nënshkruar një kontratë, ku nuk u lejohet të shkojnë në televizione të tjera”, -u shpreh Çani. Duket se i befasuar ka mbetur edhe vetë Gazi, i cili më pas është shprehur: “Nuk di çfarë të të them. Unë nuk kam pasur probleme të tilla, askush nuk më ka dhënë një gjë të tillë. Nuk mund të flas për të tjerët, por mua askush nuk më ka ndaluar….!”, -nënvizoi aktori i njohur në fund të kësaj bisede./syri.net