Gazetari dhe moderatori Mustafa Nano në emisionin e tij “Provokacija” rezervon pothuajse gjithmonë disa minuta monolog dhe kësaj here këtë hapësirë televizive ja ka kushtuar dy vajzave të emisioneve sportive Ilda Bejlerit dhe Bora Zemanit.
Nano ka mbajtur një ligjërim të gjatë ku kritikon hapur veshjen e vajzave si të pa hijshme për një emision televiziv, aq më tepër në panele ku shumicën e kohës ka vetëm meshkuj.
“Vajza që po shihni në ekranin e studios quhet Bora Zemani dhe është moderatore e një programi televiziv sportiv në “SuperSport”. Prapa shpinës së Bora Zemanit është një ndenjëse, është ndenjësja e moderatores dhe unë jam i sigurt që në momentin që Bora Zemani do të tentojë të ulet në ndenjësen e vet, sytë e panelistëve që janë ftuar aty për të komentuar eventin futbollistik të radhës, do të përqëndrohen te zona ku fundi i fustanit të shkurtër të Borës takohet me këmbët e gjata të bukura, të drejta”- ka thënë gazetari.
Ndërkohë që në ekran u shfaq një tjetër fotografi, ajo e Ilda Bejlerit, për të cilën gjithashtu i ka dy fjalë.
“Veshja e Ilda Bejlerit ishte e trishtueshme, vulgare, e pa hijshme. Gati-gati ishte fyese. Një fustan si këmishë nate, shumë i shkurtër, i ngjitur pas trupit, tmerrësisht i ngjitur pas trupit, aq sa unë mendoja se ajo copa e fustanit ishte e futur në mish. Gjinjtë që kishin kërcyer përpara në mënyrë të panatyrshme, aq sa unë po mendoja që ato gjinj ishin duke shpuar ekranin dhe do vinin në shtëpinë time, në dhomën e ndenjes”, ka vijuar Nano.
“Kjo nuk është veshje televizive. Një moderatore televizive, sipas meje nuk duhet të vishet në këtë mënyrë dhe këtë ua thotë një burrë që nuk e ka problem fare një vajzë gjysmë të zhveshur. Ne duam ta shijojmë një nudo femërore në rrethana të tjera por jo në një studio televizive ku flitet për futboll, sepse një studio televizive është një studio televizive. Nuk është një lokal ku bëhet striptizë!”- ka mbyllur monologun e tij Mustafa Nano.\revistawho.com
