Anila Basha është padyshim një nga figurat më të rëndësishme të gazetarisë në Shqipëri. Si rrallë herë, në një rrëfim të pazakontë, gazetarja ka qenë e ftuar mbrëmjen e kaluar në ‘Xing me Ermalin’. Me shumë humor, Anila tregoi disa histori, por njëra prej tyre tërhoqi shumë vëmendje. Bëhet fjalë për një ‘magji’, të cilën gazetarja e ndau me publikun duke dhuruar të qeshura.
“Më thanë që diku në Dajt ishte një hoxhë dhe thashë ta provoja. Shkova dhe pashë se isha e dhjeta në radhë, dikush ishte me lopë, dikush me dhi, unë po prisja burrin. Më erdhi radha pas 1 ore dhe nëna i tha hoxhës që më kishin bllokuar fatin dhe s’po më dilte burri. ‘Afrohu, afrohu’ – më tha hoxha. Mori laps e letër e më shkruajti në 7 fletë arabisht dhe më tha se më kishin bërë magji. ‘Nga e hëna do të dalësh çdo natë në orën 12 në ballkon, do shohësh hënën e do t’i lutesh Zotit të prishë magjinë. Do marrësh këtë letrën, do i vësh flakën dhe hirin do e hedhësh në vazon e një luleje’- më tha. Mora letrat dhe ika. Fillova të hënën, kur isha në ndonjë emision, tek Fevziu përshembull i thoja të mbaronte para orës 12 që të digjja letrën. Të premten më kërkuan shoqet të dilja në disko, nuk pranova se kisha hallin e letrës. Pasi m’u lutën vendosa të shkoj se e digjja atje letrën. Në orën 11:30 dola me vrap jashtë të gjeja pozicionin e hënës. Nuk kisha ku të hidhja hirin pasi të digjja letrën dhe i kërkova banakierit të më jepte një pjatë. Dola jashtë kur ç’të shoh radha 20 veta pas meje… Ikni ju thashë se do djeg letrën, kam hall burrin. Si përfundim nuk arrita ta merrja hirin se njerëzit shikonin dhe magjia u prish ditën e pestë”,-rrëfen Anila me shaka. Kaq ka mjaftuar që publiku të shpërthejë në të qeshura./revistawho.com
