Genc Prelvukaj është një nga reperët më të vjetër në skenë, i cili ka qenë pjesë i grupit të njohur ‘Etno Engjuj’. Sigurisht, ka një numër të madh fansash, të cilët vazhdojnë ende të mbështesin projektet e tij të fundit, megjithatë këngëtari nuk merr gjithmonë komente pozitive nga ndjekësit e tij. Kritikat mund të lidhen me projektet e tij, me postimet në rrjete sociale apo me detaje nga jeta personale. Për të gjitha këto, Genci ka vendosur të reagojë nëpërmjet një shkrimi në ‘Instagram’.
https://www.instagram.com/p/Bvqz6uVlJRM/?utm_source=ig_share_sheet&igshid=1t0rf1j8agl5c
“Rrallë herë marrë ndonjë mesazh plot urrejte ose ofendime, por kur vijnë ma bëjnë ditën më të mirë, sepse ‘autorët e talentuar’ tregojnë që janë:
1. Në nivel të tmerrshëm, për të mos thënë të trashë dhe idjotë komplet nga inteligjenca.
2. Dikush që e gërryen nga brenda çdo sukses i imi. Që nuk duron dot dështimet e veta në jetë.
3. Dikush që e kam ndihmuar në punë dhe në jetë dhe pas zhgënjimeve me ta, i kemi ndarë rrugët. Pas dështimeve të tyre hapin profile fallco dhe ofendojnë. Njerëz qetësohuni. Edhe nëse unë nuk merrem me këtë punë, kjo nuk ua zgjidh problemet. Jam i lumtur dhe asnjë prej jush nuk ma ul as 1% pozitivitetin, vetëm ma shtoni”, ka shkruar këngëtari.
Këto fjalë kanë sjellë shumë reagime nga ndjekësit e tij, ku më së shumti e kanë përgëzuar për suksesin e tij në muzikë. Kujtojmë se Genci zyrtarizoi para pak kohësh fejesën me Eni Koçin./revistawho.com
