Ai është sot një nga aktorët më të njohur të humorit por edhe një nga figurat e dashura të ekranit. E kemi fjalën për Gent Zenelajn i cili kur ka qenë i ri ka bërë edhe punë të rënda.
“Ishte periudha e ‘96-ës dhe unë punoja në ndërtim. Dilja nga shtëpia ime dhe shkoja tangent në Kune, ku kishin filluar të ndërtoheshin vilat e para. Dhe kisha me vete një çantë ku mbaja bukën, një bluzë, etj. Kur pas meje dëgjoj dy njerëz që më thërrisnin o çuni ndalo, dhe shoh dy policë me armë në dorë që më thonin mos lëviz dhe hape çantën. Ishte periudha ku njerëzit kishin filluar të hidhnin dinamit dhe policia kishte filluar të kontrollonte çdo njeri”, kujton Genti në një intervistë në “Pushime On Top” të cilët e kishin çuar pikërisht në Shëngjin, qytetin e tij të lindjes.
