Shfaqja “Boeing Boeing” që po jepet ditët e fundit në Teatrin Eksperimental po korr një sukses të padiskutueshëm.
Dhe sigurisht që kureshtja për prapaskenat apo të pathënat e kësaj shfaqeje janë të shumta. Për këtë arsye, një nga pikat në të cilat u ndal aktori dhe moderatori, Gent Zenelaj në emisionin e mëngjesit “Chaud Patate” në Energy Radio, ishte pikërisht “Boeing Boeing”.
Duke marrë parasysh që gjatë shfaqjes Genti i puth të treja vajzat, papritur na vjen në mendje deklarata surprizuese e aktorit të famshëm Gerard Butler, i cili kur u pyet se kush puthte më mirë mes Angelina Jolie dhe Jennifer Aniston, ai zgjodhi këtë të fundit.
Por Genti ka zgjedhur kolegen Linda Jarani si aktoren që puth më mirë.
“Puthte më mirë amerikania, Linda domethënë. Por, unë marr për grua gjermanen kështu që Linda do të mbetet ajo ‘e dashura sekrete’”,- tha Genti në Energy Radio.
