Çifti i famshëm i Hollywood-it George dhe Amal Clooney ka festuar një vjetorin e një martese të lumtur. Aktori është martuar me avokaten për të drejtat e njeriut, Amal Alamuddin në shtatorin e vitit të kaluar në një ceremoni perfekte në Itali. Ditët e tyre pas martesës duket se kanë qenë edhe më interesante, pasi në çdo dalje ata janë dukur shumë të lumtur dhe kanë marrë vëmendjen e të gjithëve. Clooney njihej si beqari i përbetuar i Hollywood, por aktori i surprizoi fansat kur lajmëroi martesën e tij me femrën që siç duket i ka rrëmbyer zemrën dhe mendjen. Mund të themi se martesa e tyre po shkon shume mirë pasi gjatë gjithë vitit nuk kanë pasur asnjë krisje.
