Në vitin 2014, George dhe Amal Clooney i dhanë fund beqarisë, duke lidhur me martesë dashurinë e tyre. Në fare pak kohë ata u shndërruan në çiftin më të preferuar dhe të përfolur të publikut. Ditën e djeshme George Clooney fitoi një nga çmimet më të rëndësishme në karrierën e tij si aktor nga ‘Instituti Amerikan i Filmit’.
Kjo gjë e ka bërë shumë krenare bashkëshorten e tij, Amal, dhe për këtë arsye ajo vendosi t’i dedikonte disa fjalë George. Gjithashtu ajo tregoi se si ka qenë ky vit për të dy ata së bashku me dy binjakët e tyre, Ella dhe Alexander. “Ai është personi që ka admirimin tim të plotë dhe gjithashtu buzëqeshja e të cilit më bën të shkrihem e gjitha. Dashuria ime, çfarë kam gjetur me ty është dashuria e madhe për të cilën unë gjithmonë kam shpresuar se ekziston”, – tha Amal për bashkëshortin e saj.
Gjithashtu ajo shtoi se George mbush gjithë shtëpinë me lumturi së bashku me dy fëmijët. Fjalimi i Amal për bashkëshortin emocionoi gjithë publikun dhe gjithë salla shpërtheu në duartrokitje. /revistawho.com
