Georgina Rodríguez ka folur në një intervistë për revistën “Elle”, për marrëdhënien me Cristiano Ronaldon, humbjen e djalit të tyre të porsalindur, duke u shprehur se kjo ngjarje e bëri këtë vit shumë të vështirë dhe ndër të tjera u ndal edhe tek lajmet mbi motrën e saj, e cila i kërkon para dhe e ka kërcënuar se do nxjerrë informacione. Georgina është shprehur se ajo nuk është zënë kurrë me askënd pasi nuk i pëlqejnë konfliktet.
“Nëse e kërkoni emrin tim në Google sot, do të lexoni se jam në një grindje me familjen e Cristianos, se kam një motër që më kërkon para dhe se diçka ka ndodhur me Rosalia-n. Jeta ime është shumë më e thjeshtë se e gjithë kjo, nuk më pëlqejnë konfliktet, nuk zihem kurrë me askënd. Gjëja më e keqe është se i gjithë ky informacion është një gënjeshtër, kjo nuk jam unë”.
