Georgina Rodriguez ka folur për takimin e saj të parë me Cristiano Ronaldon dhe ndryshimet në jetën e saj në emisionin e saj në “Netflix” I Am Georgina.
Ajo asokohe punonte në një dyqan “Gucci” në Madrid, ku u takua për herë të parë me Ronaldon. Më pas ata kryqëzuan rrugët në një festë përpara se ylli i futbollit t’i kërkonte asaj të dilnin në një takim.
“Isha shumë e emocionuar, rrugës për në restorant duart tona u prekën dhe më dukej se këto duar më kishin kaluar prej kohësh dhe kur u prekën përsëri, ne nuk i zhbllokuam më. Ishin duar të njohura, të përshtatshme për njëra-tjetrën. Ne hëngrëm darkë, shkova në shtëpi dhe zemra më rrihte si e çmendur. Po vdisja ta shihja dhe të isha me të, por nuk doja t’i shkruaja vetë. Ai më dërgoi mesazh pas ndeshjes dhe sigurisht që nuk i thashë që isha duke pritur dhe plotësisht e përgatitur, i thashë që isha ulu dhe do shtrihesha ”, ka thënë ajo.
Pas takimit të tyre të parë, Cristiano Ronaldo erdhi për të marrë Georginën nga puna me Bugatti-n e tij.
“Cristiano erdhi të më merrte pas punës. Ai ndonjëherë ngiste një Bugatti. Kolegët e mi nuk mund ta besonin: Erdha në punë me autobus dhe u nisa me Bugatti”, ka thënë ajo.
