Kohët e fundit ka pasur shumë thashetheme se marrëdhënia mes Cristiano Ronaldos dhe Georgina Rodriguez nuk po shkon aq mirë sa mund të duket në rrjetet sociale. Sigurisht që nuk ka qenë një kohë shumë e qëndrueshme dhe relaksuese në karrierën futbollistike të Ronaldos, gjë që mund të jetë pjesë e arsyes pse marrëdhënia e tyre nuk është aq e lumtur sa dikur. Raportet kryesore kanë ardhur nga gazetari argjentinas Gonzalo Vazquez në programin ‘Socialite’. Gazetari tha se mënyra në të cilën Rodriguez i dhuroi Ronaldos Rolls Royce-in e tij për Krishtlindje, tregonte se diçka nuk shkonte. Megjithatë, për t’iu kundërpërgjigjur raporteve të kësaj natyre, Rodriguez ka bërë një postim në Instagram ku shihet ajo dhe Ronaldo në fillimin e lidhjes së tyre. Ajo i ka shoqëruar fotot me mbishkrimin “Kur isha 22 vjeç takova dashurinë e jetës sime” dhe “Sa të bukur ishim”.
