Historia e Georgina Rodriguez është përcjellë në platformën Netflix, me serialin “Unë jam Georgina”. Në sezonin e dytë modelja ka trajtuar tema më intime dhe ka prekur edhe një aspekt tjetër, atë familjar. Georgina ka treguar për rinovimin e shtëpisë së tyre në Madrid. Sipas modeles, shtëpia nuk ishte mjaft familjare për fëmijët që ajo ka së bashku me Ronaldon prandaj po rinovojnë.
“Vendosa të rinovoj shtëpinë sepse nuk ishte aspak e përshtatshme për llojin e familjes që jemi dhe nuk ishte krijuar për ne,” tha Rodriguez.
“Mendoj se çdo shtëpi është personale dhe shtëpia nuk është bërë për familjen e madhe që jemi ne”.
Georgina kishte disa kërkesa për tualetin. 29-vjeçarja i zgjedh personalisht materialet dhe nuk preferon t’ia lërë këtë detyrë dikujt që ka besim, pasi vetë e ndjek me vëmendje të gjithë punën që po bëhet në shtëpinë e saj. Aspekte si pamja e jashtme dhe dhomat janë shqetësimi kryesor i Georgina-s dhe ajo kishte kërkesa specifike për tualetin.
“Në banjën time dua një bide”, tha ajo.
