Georgina Rodríguez ka treguar se është shtruar në spital prej katër ditësh. Kur mbërriti në shtëpi, ajo gjeti një dhuratë nga fëmijët e saj. Ishte një buqetë shumëngjyrëshe me lule dhe një kartolinë me një mesazh shumë të dashur.
“Më në fund në shtëpi! Kam katër ditë në spital me pneumoni”, tha r partnerja e Cristiano Ronaldos.
“Tani jam më mirë, por ende po shërohem në shtëpi me familjen time”.
Georgina nuk ka nguruar të falënderojë të gjithë personelin shëndetësor që është kujdesur për të gjatë këtyre ditëve.
“Më duhet të them një FALEMINDERIT të madh për të gjithë stafin, mjekët, infermierët dhe të gjithë në spital… Ju jeni kujdesur për mua dhe ju jam shumë mirënjohës për këtë. Faleminderit të gjithëve për një qëndrim kaq të jashtëzakonshëm”, tha ajo, duke iu referuar spitalit gjerman në Riad.
