Gërhisni në gjumë? Tregohuni vigjilent ndaj shkaqeve

Gërhitja është një gjendje pothuajse e zakonshme për një ose më shumë anëtar të  familjes. Por jo gjithmonë situata është normale, gërhitja mund të jetë sinjal i një çrregullimi i quajtur Apnea e Gjumit.
Ky çrregullim është një gjendje gjatë së cilës personi i prekur bën episode të përsëritura ndalese frymëmarrjeje gjatë gjumit. Ato zgjasin 10 sekonda deri në disa minuta dhe mund të përsëriten më shumë se 30 herë në një orë.
Si ta kuptojmë në qoftë se thjeshtë gërhasim apo vuajmë nga Apnea e Gjumit?
Të parët që i vënë re këto shenja janë familjarët të cilët dëshmojnë për gërhitje të shumta dhe në disa momente duket sikur personi mbytet në gjumë apo sikur nuk merr frymë.
Shenja të tjera të apnesë janë pagjumësia, etja, urinim i shpeshtë gjatë natës, bllokim i hundëve, irritim, munges përqëndrimi.
Cfarë e shkakton Apnenë e Gjumit?
Faktorët e riskut për t’u prekur nga ky problem janë obeziteti, qafa e shkurtër edhe në përimetër, seksi (meshkujt janë më të rrezikuar se femrat), ndryshime në rrugët e frymëmarrjes (hunda, fyti, gjuha, nofulla) si dhe konsumimi i duhanit dhe alkoolit.
Si ta trajtojmë Apnenë?
Zakonisht kjo gjëndje prek personat që janë mbipeshë, për këtë arsye rekomandohet ndryshimi i stilit të jetësës siç është: rënia në peshë, mënjanimi i pijeve alkoolike dhe duhanit si dhe shmangia e pozicionit të gjumit në shpinë.