Gëzim në familjen e deputetes Majlinda Bregu

Këtë herë familja e deputetes së PD-së, Majlinda Bregu feston një gëzim të veçantë që nuk ka të bëjë aspak me deputeten apo fëmijët, por pikërisht me bashkëshortin e saj, regjisorin, Namik Ajazi. I shoqi ka fituar një financim të rëndësishëm nga Ministria e Kulturës italiane për një projekt si regjisor. ‘’Një lajm shumë i gëzuar! Dy regjisorë shqiptarë fitojnë financimin e Ministrisë së Kulturës Italiane për dy projektet e tyre. Edmond Budina dhe Namik Ajazi janë fitues të këtij financimi të rëndësishëm që na mbush me optimizëm. Urime!’’, shkruan Qendra Kombëtare Kinematografike.