Një ide mjaft interesante vjen nga “Vogue” për koleksionet e reja që përmbajnë atmosferën e Lojërave Olimpike. Revista e njohur amerikane ka menduar të përdorë si modelë atletin amerikan Ashton Eaton dhe modelen Gigi Hadid, që duket se janë përshtatur mjaft mirë me njëri-tjetrin në setin e xhirimeve. Sipas “Vogue”, bukuria e Hadid dhe dhe aftësitë atletike të Ashton e plotësojnë këtë set në mënyrë të përkryer. Duket se “Vogue” kësaj radhe ka qëlluar në shenjë. Veshjet sportive të frymëzuara nga Lojrat Olimpike kanë sjellë një revolucion mjaft tërheqës dhe pas daljes së tyre në treg një trend i ri do të lulëzojë në mënyrën sesi vishemi kur nisemi për të bërë sport.
