Ndonëse modelja e njohur, Gigi Hadid ndan shumë pak detaje nga marrëdhënia e saj me këngëtarin Zayn Malik, duket se mbrëmjen e kaluar nuk ka mundur të qëndrojë pa publikuar darkën e përgatitur plot dashuri.
Gigi ndau në ‘Instastory’ disa nga gatimet që kishte përgatitur për Zayn, duke treguar kjo ishte darka e tyre e parë bashkë pas ardhjes në jetë të së voglës.
“Darka e parë e mamit dhe babit. Ajo është në dhomën tjetër, por më mungon dhe tani”, ka shkruar modelja në postimet në ‘Instagram’.
Kujtojmë se Hadid e bëri të ditur lajmin e ardhjes në jetë të vajzës në datë 24 shtator, megjithatë mediat e huaja kanë shkruar se modelja mund të ketë lindur në datë 19 ose 20 shtator./revistawho.com
