Kur një veshje sfidon kufijtë mes të pazakontës dhe stilit, është e natyrshme të mendosh: Vë bast që Bella Hadid do e vishte.
Në mbrëmjen e festës për 30-vjetorin e Gigi Hadid, Bella tregoi edhe një herë intuitën e saj të veçantë për të zgjedhur veshje të guximshme që shumëkush nuk do të kishte imagjinuar t’i provonte.
E fotografuar teksa mbërrinte në “Le Chalet” në Nju Jork, supermodelja veshi një set të zi të ngushtë në stil kapri nga Nuovo Paris, që i dha pamjes së saj një ndjesi motorrike elegante. Në dorë mbante një xhaketë lëkure, perfekte për të kompletuar teksturën e veshjes.
Për këpucët, Bella zgjodhi një palë taka të zeza me majë dhe rrip në kyç, duke i dhënë pamjes një prekje klasike. Për të thyer monotoninë e ngjyrës së zezë, ajo shtoi një çantë Baguette Fendi në ngjyrë vishnje me detaje floriri.
Sa i përket grimit, Bella preferoi një look minimalist dhe natyral. Aksesorët ishin po aq të rafinuar: një palë vathë të hollë argjendi dhe një byzylyk delikat.
Në një natë që kishte për qëllim të festonte Gigi Hadid, vëmendja nuk kishte si të mos shkonte edhe tek stili i paharrueshëm i motrës së saj, Bella.
