Gigi Hadid ka postuar mbrëmjen e 31 tetorit, foton e parë me pjestaren më të re të familjes. Me rastin e festës së ‘Halloween-it’, modelja me famë botërore dhe partneri i saj, Zayn janë shfaqur të lumtur krah së voglës që erdhi në jetë pak javë më parë.
Çifti i njohur i ‘showbiz-it’ nuk kanë vendosur ende që ta ndajnë me publikun e gjerë imazhin e vajzës, por duket qartë që ‘Halloween-i’ i këtij viti i ka gjetur më të lumtur se kurrë.
Përveç faktit që kjo ishte fotoja e parë familjare me pjesëtaren e re të familjes, nuk mbeti jashtë vëmendjes edhe veshja që kishte zgjedhur supermodelja për këtë vit. Gigi duket se i është kthyer linjave perfekte me kostumin e një personazhi videolojrash, ndërsa e vogla e familjes është veshur si ‘Hulk’, një nga imazhet më të njohur vizatimorë, madje ndër të preferuarit e këngëtarit Zayn Malik.
Vetë partneri i modeles është veshur si një nga protagonistët e filmave me superheronj.
Ky ‘Halloween’ me siguri nuk është i zakonshëm për çiftin e famshëm, por mund të themi me bindje se do të renditet ndër të preferuarit./revistawho.com
