Gigi Hadid dhe Zayn kërkojnë që t’i bëjnë gjërat ndryshe këtë herë që janë bashkuar sërish me njëri-tjetrin. Që të jenë të sigurt në marrëdhënie ata kanë shkëmbyer fjalëkalimet e rrjetve sociale. “
Një gjë për të cilën ata kanë rënë dakord këtej e tutje është që të kenë transparencë të plotë. Të dy bëhen xheloz herë pas here, prandaj kanë rënë dakord që të ndjanë fjalëkalimet dhe t’i japin njëri-tjetrit të drejtën për të kontrolluar mesazhet në rrjete sociale, telefon dhe kudo. Kjo i ndihmon që të dy të ndihen më të sigurt”, – ka thënë një shok i Gigi Hadid për ‘Hollywood Life’.
Ata të dy nuk duan që t’i japin fund romancës me njëri-tjetrin, prandaj po punojnë fort për lidhjen e tyre. Të gjithë shpresojnë që ky rikthim të zgjasë sa më shumë, duke qenë se një pjesë e madhe e fansave u mërzitën shumë kur të dy dhanë lajmin e ndarjes në muajin mars. /revistawho.com
