Gjithçka nisi pranë tortës së ditëlindjes. Në festën e saj të 30-vjetorit, Gigi Hadid zgjodhi një mënyrë shumë personale për të ndarë me botën lajmin që fansat e saj prisnin: një postim në Instagram ku ajo shfaqet duke u puthur me aktorin e njohur, Bradley Cooper. Kjo foto u bë menjëherë virale, duke i dhënë fund zërave të mëparshëm – ose ndoshta duke sjellë të rinj!
Në imazhin që ndau me 77 milionë ndjekësit e saj në “Instagram”, Gigi shihet në një përqafim të ngrohtë me partnerin e saj. Por ndjekësit vërejtën një detaj tjetër që shkaktoi edhe më shumë kuriozitet: një unazë ari në gishtin e saj të martesës. Rrjeti reagoi menjëherë.
Megjithëse çifti e ka mbajtur lidhjen disi të rezervuar, Gigi kishte zbuluar më herët për “Vogue” se ai i ka sjellë në jetë një ndjenjë të re “normaliteti” dhe e ka rikthyer në zakone të thjeshta që i kishte munguar, si vizitat në teatër. Një romancë e përmbajtur, larg syve të kamerave, por që duket se po lulëzon me qetësi.
