Ndonëse është përpjekur ta mbajë larg vëmendjes së mediave barkun e rrumbullakosur, modelja e njohur, Gigi Hadid ka vendosur të ndajë së fundmi fotot nga seti i realizuar në një studio në ngjyrat bardhezi.
“Duke rritur një ëngjëll”, ka shkruar modelja krah fotos ku shfaqet e veshur me një fustan në ngjyrë të bardhë, i cili i nxjerr në pah barkun që është rritur edhe më shumë.
https://www.instagram.com/p/CEWoTaynvz2/
Këto nuk kanë qenë fotot e vetme që Gigi ka ndarë, pasi ka publikuar dhe disa pamje të tjera duke ndryshuar veshjen, e cila në çdo moment sillte në pah trupin e modeles.
https://www.instagram.com/p/CEWorgXniHr/
“Duke festuar këtë kohë. E vlerësoj të gjithë dashurinë dhe urimet e mira. Nuk do ta harroj kurrë krijimin e këtyre fotove kaq speciale”, ka shkruar Hadid në postimin e radhës.
Fansat e modeles kanë ngelur gojëhapur nga ky set dhe nuk kanë nguruar të lënë komente nga më të ndryshmet në llogarinë e Gigi-t e cila shfaqej më e bukur se asnjëherë tjetër./revistawho.com
