Zayn Malik dhe Gigi Hadid kanë festuar 4-vjetorin e vajzës së tyre. Modelja konfirmoi në një postim në rrjetet sociale se emri i plotë i vogëlushes së tyre ka mbiemrin e Zayn. Në një kolazh fotografish nga festimet e Khai-t, ishte edhe një foto që tregonte tortën me emrin e vogëlushes, “Khai Malik”.
Fansat e Zayn reaguan menjëherë, pasi Hadid nuk e ka përmendur kurrë mbiemrin e vajzës së saj në të kaluarën.
“Vajza jonë sot është 4 vjeç dhe ne festuam gjithë javën”, shkroi modelja. Hadid shtoi se vajza e saj dhe e Zayn është “kurioze, aventuriere, e dashur dhe oh, kaq e zgjuar. Khai është gëzimi dhe krenaria më e madhe e jetës sime!”
