Gisele Bundchen nuk i ka mbajtur dot lotët gjatë një leksioni vetëm pak ditë pasi ish-bashkëshorti i saj, Tom Brady, diskutoi në shtyp për bashkëprindërimin.
Supermodelja braziliane po fliste gjatë një leksioni në eventin VTEX në Sao Paulo të hënën. Ajo ishte e pushtuar nga emocionet ndërsa ishte në skenë edhe pse nuk është shumë e qartë se çfarë e shkaktoi të qante.
Bundchen ishte në konferencë me presidentin dhe bashkëthemeluesin e VTEX, Mariano Gomide. Në njoftimin për shtyp thuhet se modelja ishte atje për të diskutuar “sfidat e saj për të pushtuar botën, punën e saj në mbrojtje të natyrës dhe udhëtimin e saj të shembullit në sipërmarrje”.
Ishte një paraqitje surprizë dhe erdhi vetëm pak ditë pasi Brady ishte hapur publikisht për bashkëprindërimin që ata po bëjnë me fëmijët Benjamin dhe Vivian Lake, respektivisht 13 dhe 10 vjeç.
Ndërsa ishte në skenë, Bundchen foli për fëmijët e saj dhe tha: “Si nënë, dua të lë një botë më të mirë për fëmijët e mi, kështu që gjithmonë do të ketë diçka më të madhe. Kur fillova modelingun në moshën 14-vjeçare, doja që prindërit e mi të të jenë krenar.”
Modelja shtoi: “Gjithçka është e mundur kur ne besojmë, dhe unë nuk jam ndryshe nga ju. Unë jam thjesht një person që kam besuar. Unë besoj që ju keni guximin për të përballuar çdo sfidë dhe disiplinën për të qëndruar i fokusuar… pa marrë parasysh çfarë sfide ju del përpara, shikojeni si një mundësi për t’u rritur.”
