Pas javëve të vështira që kaloi gjatë divorcit me Tom Brady, supermodelja braziliane Gisele Bündchen vendosi të ecë përpara dhe të harrojë problemet dhe tensionet. Ajo është arratisur në Costa Rica për disa ditë. Modelja është fotografuar nga paparacët, të cilët prej muajsh ndjekin çdo lëvizje të saj.
Në imazhet e publikuara nga Page Six, Gisele shihet e veshur me bluzë e pantallona ngjyrë të zbehtë dhe pa grim. Modelja nuk është vetëm, pasi mori me vete dy fëmijët që ka me Brady-n: Benjamin, 12 vjeç dhe Vivian, 9. Ish-çifti tani ndajnë disa prona dhe njëra prej tyre është në Gadishullin Nicoya në Costa RiCa, ku modeljes i pëlqen të pushojë.
Sipas burimeve të afërta, Bündchen do të mbajë pronën e Costa Rica-s, ndërsa Brady do të mbajë rezidencën prej 17 milionë dollarësh që zotërojnë në Indian Creek, Miami.
