Pak ditë më parë, këngëtarja e njohur Pink zbuloi se ajo dhe djali i saj ishin infekftuar me Covid-19. Tashmë ata janë shëruar, por Ponk ka vendosur të flasë mbi eksperiencën e saj në emisionin e Ellen Degeneres. Ajo e ka cilësuar si gjënë më të frikshme në jetë kur djali kishte temperaturë për disa ditë rresht dhe kur vetë filloi të kishte probleme në kraharor.
“Ishte 18, 19 dhe 20 mars kur djali kishte temperaturë. Unë u zgjova një nga këto netë në mes të natës dhe nuk merrja dot frymë. Kisha një dhimbje në kraharor. U tremba shumë. Mendova do shkojmë në spital, por çfarë do bëjmë më pas? Kjo është padyshim gjëja më e frikshme që kam përjetuar në jetë”, tregoi Pink. Kujtojmë se këngëtarja dhuroi 1 milionë dollarë për luftën kundër Koronavirusit.
