Mediat e huaja konfirmojnë se reperi Aaron Carter është gjetur i vdekur në shtëpinë e tij të shtunën në mëngjes. Aaron ishte 34 vjeç. Burime të shumta që janë tashmë në vendngjarje tregojnë se reperi është gjetur i pajetë në vaskën e tij. Forcat lokale të rendit u thirrën në vendngjarje, duke përfshirë detektivë të vrasjeve. Rreth orës 11:00 pati një telefonatë që raportoi incidentin e një mashkulli që ishte mbytur brenda një vaskë. Nuk është raportuar më shumë informacion për ngjarjen. Nuk dihet nëse Aaron Carter kishte ndonjë substancë në sistemin e tij. Aaron Carter filloi një karrierë të suksesshme pop në fund të viteve 1990, duke nxjerrë katër albume në studio kur ishte vetëm 9 vjeç. Pasi shiti një milion kopje me albumin e tij të parë, albumi i tij i dytë trefishoi shitjet nga i pari. Carter u bë i famshëm si këngëtar dhe si vëllai më i vogël i Nick Carter nga Backstreet Boys dhe më vonë si aktor në shfaqjet si “Lizzie McGuire” dhe “7th Heaven”. Me kalimin e viteve, ajo famë e hershme i solli shumë probleme ligjore dhe abuzimi me substancat nga të cilat ai e kishte të vështirë të dilte. Reperi u shfaq në emisionin “The Doctors” për të diskutuar abuzimin e tij me substancat dhe mori pjesë shumë herë në rehabilitim. Aaron Carter la pas një djalë.
