Që pas fejesës së tij me bukuroshen Kejsi, për Stresi kishim dëgjuar vetëm lajme të mira. Reperi tanimë ishte kthyer në një djalë romantik i përkushtuar mjaftueshëm në lidhjen e tij.
Por duket se kjo periudhë ‘urtësie’ nuk ka zgjatur shumë. Së fundmi, siç raporton “News 24”, Stresi është shoqëruar për në polici së bashku me disa miq të tjerë të tij pasi në lokalin ku ata po qëndronin janë gjetur doza të larta të lëndës narkotike të tipit kokainë.
Ende nuk dihet nëse lënda narkotike është sjellë aty prej Stresit dhe miqve të tij, apo ka qenë duke iu shitur këtyre të fundit megjithatë që prej mbrëmjes së djeshme reperi dhe shokët e tij janë duke qëndruar në ambientet e Drejtorisë së Policisë në Tiranë. /revistawho.com
