Një profil në Facebook me 114 miq, i emërtuar si Simaku Nolfe – emri ky i cili ishte përdorur dhe prej gruas së shfaqur në videon e parë që u aludua se ishte Parashqevi Simaku, por gjithashtu Nolfe është dhe mbiemri i ish-bashkëshortit të saj Robert – dyshohet të jetë profili i këngëtares së famshme shqiptare.
Kjo llogari në Facebook mund të përfaqësojë profilin e saj më të fundit, ndërsa pesë të tjerë të hapur më herët nuk janë përdorur që nga viti 2017.
Ky profil duket të jetë më aktiv krahasuar me të tjerët, megjithëse asnjë prej miqve nuk ka emra shqiptarë, duke lënë të kuptohet se janë të gjithë të huaj.
Artistja e njohur e viteve ’80 dhe ’90 në Shqipëri, në këtë profil prezantohet si shefe marketingu për mediat sociale në Crown Height Records, këngëtare, autore tekstesh dhe freelancer.
Postimi i saj i fundit, i publikuar në këtë llogari, përmban një imazh muzikor të saj, duke rikujtuar shkëlqimin artistik të këngëtares së famshme në vendlindje, Shqipëri.
