Ditë më parë, u bë e ditur se Kylie Jenner ishte shtruar në spital në gjendje alarmante dhe e kishte të pamundur për të shkuar në Balmain Fashion Show, në Paris. Pas shumë komentesh të shqetësuar nga fansat, Kylie ka publikuar një shpjegim për të gjithë ata në ‘Instagram’. “Siç e dini, unë isha duke u përgatitur për të shkuar në Paris për shfaqjen e Balmain për fillimin e koleksionit tim me Oliver. Fatkeqësisht, unë jam vërtetë e sëmurë dhe nuk jam në gjendje të udhëtoj. Jam e mërzitur që s’mund të jem në këto shfaqje por e di se ekipi im i mrekullueshëm dhe miqtë e mi do të jenë aty për shfaqjen”, shkruan Kylie. Modelja është shprehur se krijimi i këtij koleksioni me Oliver ka qenë një ëndërr. Kylie është në spital për shkak të një gripi të rëndë, nga i cili nuk mundi të shërohet në kohë për shfaqjen.
