Grimi është një formë e vetë-shprehjes dhe procesi i aplikimit të tij është dhe terapeutik. Por kur moti bëhet jashtëzakonisht i nxehtë (siç ndodh në valën aktuale të të nxehtit që po përjetojmë), ka disa gjëra që duhen bërë dhe disa gjëra që duhen shmangur, të cilat ndihmojnë lëkurën të ruajë shëndetin e saj.
- Shmangni fondatinën dhe korrektorin e syve: Përdorimi i fondatinës, korrektorit, dhe produkteve të tjera bazë kur është 40 gradë dhe jeni duke djersitur, duhet shmangur. Në këto kushte, grimi shkrihet, pavarësisht nga sasia që përdor. Rruazat e djersës që formohen kanë tendencë të përzihen me produktet bazë dhe të lënë vija në fytyrë. Prandaj këshilla është të shmangni sa më shumë produktet bazë. Por nëse do të shpenzoni 90% të kohës tuaj në ajër të kondicionuar, atëherë mund të vazhdoni gjithsesi me bazën tuaj.
- Shmangni produktet me bazë kremi dhe përdorni më shumë produkte pluhuri, të cilat nuk do të shkrijnë në fytyrë. Si përshembull bronz, blush dhe highlighter të cilat janë në formë pluhuri.
- Vendosni SPF çdo mëngjes përpara se të aplikoni çdo lloj grimi dhe riaplikoni gjatë ditës sipas nevojës, pasi është mënyra më e mirë për të parandaluar plakjen, linjat e imëta, rrudhat, njollat, etj.
- Vendosni rimel kundra ujit kështu që edhe nëse djersisni rimeli nuk do t’ju lë shenja në fytyrë.
