Atmosfera në shtëpinë e Big Brother VIP është elektrizuar pas shpalljes së Rozana Radit si finaliste. Ky vendim duket se nuk është pritur mirë nga të gjithë, e veçanërisht nga Gjesti, i cili ka shfaqur hapur pakënaqësinë dhe ka paralajmëruar largimin nga loja.
Gjatë një bisede me Danjën dhe Eglin, ai u shpreh i prekur dhe i lodhur nga rrjedha e ngjarjeve:
“Më vjen të qaj, unë do ta lë lojën. Të martën do të largohem, mbajeni mend. Nuk duroj më,” – tha ai.
Gjesti shtoi se ka një ndjesi të fortë se rrugëtimi i tij në këtë format ka arritur fundin:
“E kam një parandjenjë që është duke më mbaruar kulaçi. E kam dhënë shpirtin për këtë lojë, por nuk më duket e drejtë çfarë po ndodh,” – theksoi ai, duke paralajmëruar se do të tregojë të gjitha të vërtetat para se të largohet.
Në lidhje me zgjedhjet e Rozanës si finalisten e parë, ai shtroi pyetje retorike plot ironi:
“Katër veta me zarf të zi… çfarë ka bërë Rozana Radi këtu? Kë e ka larguar? Askënd. Nuk ka drejtësi, e do ta shihni,” – përfundoi Gjesti me tone të larta.
