Gjesti e ka përjetuar shumë daljen e Eglit nga shtëpia e Big Brother VIP dhe ka vendosur t’i dërgojë një mesazh. Ai i ka kërkuar falje që me veprimet e tij ndoshta e ka lënduar dhe i premton se do të takohen jashtë. Gjesti thekson se nuk ka dashur që gjërat të shkonin në këtë pikë dhe pranon që një pjesë e fajit i takon atij.
Deklarata e Gjestit:
“Nuk kam dashur që ti të sëmuresh prej meje. Prej meje i ke të gjitha. Unë e di që do e dëgjosh këtë mesazh. Të kam dhënë çfarë kam mundur, ndonjë fjalë të mirë, ndonjë batutë me qesh, të kam mësuar si të sillesh me këta brenda, të kam thënë se nuk kanë mëshirë për ty, as ti të mos kesh për ta. Jam munduar ta shpjegoj, ke pasur kokën e budallicës, por unë e di që ti mund të përmirësohesh. Të kërkoj falje, jashtë do të takoj, do flasim, se dhe unë kam bërë veprime të pakontrollueshme, kurrë me mendimin për të të bërë keq. Kam ditur me luajt trëndafilin nëpër shtëpi, sa kam mundur, por jo, të kam thënë në fytyrë nuk kam ndjenja, siç duhet të kem për një femër, me jetu me ty, me pas familje. Të kërkoj falje, edhe familjes tënde, ndoshta kam bërë gjeste palidhje, nuk e di as unë se çfarë po bëj këtu brenda. Të gjitha gjërat që kam bërë ishin pasi nuk doja të ishim në këtë pikë, shkaktari jam unë, prej meje, që më ke dashur shumë dhe që ke bërë si e çmendur. Nuk kam dashur që të shkonim në këtë pikë. Nuk kam dashur që ti ta lëndosh veten, edhe nëse nuk ma fal, unë e marr dënimin prej Zotit.”
