Ish-banori i “Big Brother VIP Kosova 3,” Gjesti, ka folur hapur për emocionet dhe përvojën e tij gjatë lidhjes me Xheneta Fetahun në reality show. Në një bisedë të sinqertë me Egli Takon, ai ka ndarë detaje mbi ndjenjat që kishte për të dhe vështirësitë që përjetoi.
“Thjesht kam qenë i lidhur me të. Kam pasur ndjenja për të, e kam dashur. Aq kohë sa kemi ndenjur s’kam mundur pa të. Jam lënduar për një gjë më të vogël. Jam prekur shumë,” tha ai.
Këngëtari tregoi gjithashtu se situatat që lindën mes tyre gjatë kohës në shtëpi e kishin prekur thellë emocionalisht. Ai pranoi se i kishte dhënë shumë rëndësi kësaj lidhjeje dhe se kishte pritshmëri të mëdha, por gjithçka mori një drejtim që e lëndoi.
“Shumë kam qenë i lënduar, se di si e kam mbajtur veten, plus mërzitja, plus gjëra tjera personale. Krejt më janë mbledhur. Si kam mundur të duroj,” shtoi Gjesti, duke treguar dhimbjen dhe përballjen me situatat që u krijuan.
